Rreth nesh

Të shijosh një film nën qiellin e hapur, mes gjelbërimit dhe atmosferës së qytetit, është një eksperiencë që prej vitesh është bërë pjesë e verës në metropolet më të bukura të botës. Open Air Tirana e solli këtë frymë edhe në Tiranë, duke krijuar një hapësirë ku kinemaja, kultura dhe argëtimi bashkojnë njerëzit. Nga magjia e mbrëmjeve pranë Liqenit Artificial, te atmosfera urbane e Resë, e deri te edicioni i këtij viti në ambientin e veçantë të Vilës së Enverit, Open Air Tirana vazhdon të udhëtojë nëpër vende ikonike të kryeqytetit, duke i transformuar ato në skena të hapura të filmit dhe eventeve. Më shumë se një kinema verore, Open Air Tirana është një eksperiencë sociale dhe kulturore – një vend për t'u takuar, për t'u çlodhur dhe për të ndarë emocione përmes filmit, muzikës dhe eventeve në natyrë. Një ekran. Një qytet. Netë vere nën yje.